Dr. Rüstəmov — Diş kabineti
Müayinə və təmizləmə · 30 dəq
Çərşənbə, 12 avqust
09:3010:0010:3011:0011:3012:00
YazılDİŞ KLİNİKALARI ÜÇÜN İDARƏETMƏ SİSTEMİ
Randevunu sən yazma, sistem yazsın.
Kabinetinizin bütün işi tək ekranda.
Siz dişlə məşğul olun. Xəstə boş saatı özü görür və özü yazılır, sizin telefonunuza bir bildiriş gəlir — bir toxunuşla təsdiqləyirsiniz. Qalanını sistem edir: xatırladır, ləğvi qeyd edir, gəlməyəni yazır, ayın sonunda rəqəmi göstərir.
- Kart tələb olunmur
- Quraşdırmanı biz edirik
- Bir saatda hazır olursunuz
20saniyəxəstə özü yazılır
1toxunuşsizin bütün işiniz
10günpulsuz sınaq
Telegramindi
Yeni randevu sorğusu
Nigar Əliyeva
Təsdiqləİmtina
Randevunuz təsdiqləndi
Çatdırıldı
Bu gün
7xəstə
540 ₼
Bizə güvənən klinikalar
DKDiş klinikasıBakı
SMStomatologiya mərkəziBakı
ADAğız və diş sağlamlığıSumqayıt
OKOrtodontiya kabinetiBakı
İMİmplantologiya mərkəziGəncə
PDUşaq diş kabinetiBakı
Loqo yerləri — ilk müştərilərimizin loqoları razılıqları ilə buraya əlavə olunur.
TANIŞ GƏLİR?
Siz həkimsiniz. Katib olmağa isə heç kim razılıq verməyib.
Bu, bacarıqsızlıq deyil. Bu — randevunu yazışma ilə idarə etməyin qiymətidir. Və o qiymət hər həftə ödənilir.
- 09:40
Kanal müalicəsinin ortasındasınız. Əlcəkli əliniz xəstənin ağzındadır. Telefon stolun üstündə titrəyir. Baxa bilmirsiniz.
- 10:20
Telefona baxırsınız: üç mesaj, iki buraxılmış zəng, bir Instagram sorğusu. Birinə cavab yazırsınız. İkincisini «sonra yazaram» deyib unudursunuz.
- 14:00
Kreslo boşdur. Səhər yazılan xəstə gəlmədi, xəbər də vermədi. Kirayə, işıq və köməkçinin maaşı isə işləməyə davam edir.
- 21:00
Ay bitir. «Bu ay necə keçdi?» sualına dəqiq cavabınız yoxdur. Təxmin var, rəqəm yoxdur.
Cavabsız qalan sorğu01
Üçüncü xəstə artıq başqa həkimə yazılıb
Siz cavab yazana qədər o, cavab verən birini tapıb. Sizin peşəkarlığınızla bağlı deyil — sadəcə növbədə idi.
Xəstə boş saatı özü görür və gecə saat 3-də də yazıla bilir.
Boş kreslo02
«Gəlmədi» — həkimin ən bahalı bir sözü
Çünki unudurlar. Çünki heç kim xatırlatmır. Çünki ləğv etmək üçün sizə yazmaq onlara narahatlıq gəlir — sadəcə gəlmirlər.
Xatırlatma özü gedir, ləğv linki mesajın içindədir — həmin saatı başqasına satırsınız.
Unudulmuş xəstə03
Bazanızda yatan pul
Müalicəsi yarımçıq qalanlar, profilaktikası keçənlər, altı aydır görünməyənlər. Onları xatırlayan tək şey sizin yaddaşınızdır.
Sistem onları özü tapır və bir kliklə hamısını geri çağırır.
SİSTEM NECƏ İŞLƏYİR
Üç ekran. Öyrənməli olduğunuz yeganə şey — «Təsdiqlə» düyməsidir.
Kompüter açmağınıza belə ehtiyac yoxdur. Telegram-da mesaja cavab verə bilirsinizsə, asisDENT-i artıq bilirsiniz.
01
Xəstə özü yazılır
Instagram bio-nuzdakı linkə keçir, xidməti seçir, həqiqətən boş olan saatları görür, adını və nömrəsini yazır. Qeydiyyat yoxdur, parol yoxdur.
Boş saatlar özü hesablanır: iş saatlarınız, fasilələr və bağlı günlər nəzərə alınır. Eyni saata iki xəstə yazıla bilmir — sistem buna icazə vermir.
02
Sizə bildiriş gəlir
Mesajın içində [Təsdiqlə] və [İmtina] düymələri var. Barmağınızı bir dəfə basırsınız — xəstəyə cavab dərhal gedir.
Cavabsız qalan sorğu saatı əbədi bloklamır: vaxtı bitir və saat yenidən açılır. Vaxt dəyişəndə randevu özü yenidən təsdiqinizə qayıdır.
03
Rəqəmlər özü yığılır
Bugünkü xəstə sayı, gəlir, aylıq trend, gözləyən sorğular. «Bu ay necə keçdi?» sualının cavabı artıq təxmin deyil.
Hər randevu qiyməti yazıldığı andakı ilə yadda saxlayır — xidmətin qiymətini dəyişsəniz, keçmiş ayın gəliri yenidən yazılmır.
Zəng edən xəstə zəng etməyə davam edir — onu özünüz 10 saniyəyə yazırsınız. asisDENT xəstələrinizi sizdən almır; sadəcə həmişə açıq olan ikinci bir qapı açır.
İMKANLAR
Kabinetinizin bütün işi tək ekranda
Ayrı-ayrı dəftərlərdə, telefonlarda və başınızda saxladığınız hər şey — bir yerdə, bir axında.
Boş saatlarınızı xəstə özü doldurur
Təqviminiz həmişə açıq bir qəbul masasıdır: xəstə boş vaxtı görür, seçir, yazılır. Siz yalnız təsdiqləyirsiniz — və hər randevunun harada olduğunu bir baxışda bilirsiniz.
- Gözləyən, təsdiqlənmiş, ləğv olunmuş — hamısı bir ekranda
- Bir neçə həkim işləyirsə hər birinin öz qrafiki
- Keçmiş randevu redaktə oluna bilmir — gəlir sonradan yazılmır
Xəstəniz gəlməyi unutmur
Təsdiq, xatırlatma və ləğv mesajları avtomatik gedir — WhatsApp və ya SMS ilə. Siz heç nə yazmırsınız, heç nə göndərmirsiniz, heç nə unudulmur.
- Mesajın içində ləğv linki var — xəstə yazmadan da ləğv edə bilir
- Bir kanal işləməsə sistem digərinə keçir
- Eyni bildiriş iki dəfə göndərilmir
Vizual diş xəritəsi ilə dəqiq qeydlər
32 diş göz önündə. Hansı diş müalicə olunub, hansında diaqnoz var — kartı açan kimi görürsünüz.
- Dişə toxunursunuz — diaqnoz və müalicə elə orada yazılır
- Bütün müalicə tarixçəsi yan-yana
- Şəkli olan dişin üstündə say görünür
Rentgenlər dişin üstündə durur
Qovluqlarda, telefon qalereyasında, WhatsApp yazışmasında axtarmırsınız. Dişə klikləyirsiniz — şəkillər açılır.
- Rentgen üçün yaxınlaşdırma, fırlatma və neqativ rejimi
- Bir panoramik şəkil bir neçə dişə bağlana bilər
- Şəkil yükləyəndə keyfiyyət qalır, yer isə tutulmur
Xəstənizi kartı açan kimi tanıyırsınız
Neçə dəfə gəlib, ən son nə vaxt gəlib, nəyə allergiyası var, hansı qeydi yazmışdınız — hamısı bir ekranda. Xəstə bazası köməkçinizin telefonunda deyil, sizin sisteminizdədir.
- Allergiya xəbərdarlığı kartın başlığında — gözdən qaçmır
- «Son ziyarət» həqiqətən gəldiyi tarixdir, yazıldığı tarix yox
- Köməkçiniz işi buraxsa da baza sizin yerinizdə qalır
Unudulmuş xəstələr geri qayıdır
Sistem bazanızda yatan pulu özü tapır: profilaktikası keçənlər, müalicəsi yarımçıq qalanlar, ad günü yaxınlaşanlar.
- Siyahını görürsünüz, bir düymə ilə hamısına mesaj gedir
- Mətni göndərməzdən əvvəl özünüz oxuyursunuz
- İstəməyən xəstə bir kliklə siyahıdan çıxır
Ayın sonunda təxmin yox, rəqəm
Nə qədər qazandınız, hansı xidmət daha çox satıldı, neçə xəstə gəlmədi, hansı həkim nə qədər iş gördü.
- Xidmət üzrə gəlir və ay-aya müqayisə
- Gəlməmə faizi — nəyi itirdiyinizi rəqəmlə görürsünüz
- Həkim üzrə ayrı hesabat
Materialınız özü sayılır
Randevunu «tamamlandı» işarələyirsiniz — istifadə olunan material anbardan özü silinir, özü də əvvəlcə tarixi yaxın olan partiyadan. Rəfdə xarab olan material qalmır.
- Qalıq azalanda və tarix yaxınlaşanda xəbərdarlıq
- Hər müalicənin materialına nə qədər getdiyini görürsünüz
- KLİNİKA paketinə daxildir
YAXINDAN
GÖNDƏRİLDİ ≠ ÇATDI
Xəstəyə söz verdiyiniz mesaj həqiqətən gedir
Bu, kiçik detal kimi görünür — ta ki bir xəstə «mənə heç nə gəlmədi» deyənə qədər. asisDENT-də hər mesaj növbəyə yazılır, göndərilir və nəticəsi qeyd olunur. Operator cavab vermirsə sistem özü təkrar cəhd edir.
- Səssiz itki yoxdurMesaj çatmayıbsa siz bunu görürsünüz. «Göndərdim, çatmayıb» sualı qalmır.
- Təkrar mesaj yoxdurEyni xəstəyə eyni bildiriş iki dəfə getmir — sistem yenidən başlasa belə.
- Rabitə problemi randevuya toxunmurOperator dayansa, randevu yenə də yazılır və təqvimdə görünür.
KİM NƏYİ GÖRÜR
Köməkçiniz gəlirinizi görmür — bu, ayar deyil, quruluşdur
Klinikada hər kəsin hər şeyi görməsi rahat deyil, riskdir. asisDENT hər rola öz ekranını verir: köməkçi işini görür, həkim öz xəstələrini, klinikanın rəhbəri isə rəqəmləri.
- KöməkçiTəqvim, xəstə kartı, fayllar — bəli. Hesabat, gəlir, anbar, ayarlar — xeyr.
- Klinika həkimiÖz təqvimi və öz xəstələri. İstifadəçi yarada bilmir.
- ResepsiyonistBütün həkimlərin təqvimi, yeni həkim əlavə etmək, klinika hesabatları.
| Köməkçi | Həkim | Resepsiyonist | |
|---|---|---|---|
| Təqvim | var | var | var |
| Xəstə kartı | var | var | var |
| Fayl arxivi | var | var | var |
| Hesabatlar | yoxdur | yoxdur | var |
| Anbar | yoxdur | yoxdur | var |
| İstifadəçi açmaq | yoxdur | yoxdur | var |
KLİNİK İŞ
«Bu dişə keçən dəfə nə etmişdik?» — cavab bir kliklədir
Diş xəritəsində 16 nömrəli dişə klikləyirsiniz və həmin dişin bütün tarixçəsi, ona bağlı bütün şəkillər açılır. Eyni panoramik rentgen həm «Rentgenlər» qovluğunda, həm də aid olduğu hər dişin altında görünür.
- Klinikanın hamısı görürHəkim əvvəl nə olduğunu bilməlidir, resepsiyonist sənədi tapa bilməlidir — eyni sənəd təkrar-təkrar yüklənmir.
- Xəstə görmürArxiv yalnız klinika üçündür.
- Şəxsi sənədlər ayrıca qorunurŞəxsiyyət vəsiqəsi və razılıq formalarının önizləməsi yaradılmır, hər açılış qeydə alınır.
SADƏ HESAB
Sual qiymət deyil. Sual — bu gün nə qədər itirdiyinizdir.
Rəqəmi biz demirik. Öz kabinetinizin rəqəmlərini yazın və nəticəni özünüz görün.
Ayda itirilən480 ₼
asisDENT PRO− 89 ₼
Ayda cibinizdə qalan391 ₼
Hesab yalnız gəlməyən xəstələri sayır. Cavabsız qalan sorğuları, geri qayıtmayan köhnə xəstələri və randevu yazışmasına gedən saatları buraya heç əlavə etmədik.
Gündə 3 manat
Bir fincan çaydan ucuzdur. Amma çay gecə saat 3-də sizin üçün randevu qəbul etmir.
Yarım kanal müalicəsi
Bir kanal müalicəsi 150–250 ₼-dir. Aylıq abunə onun yarısıdır — və bir ay boyu işləyir.
Köməkçinin bir günündən az
Ancaq bu «köməkçi» xəstə soruşmadan cavab verir, heç nə unutmur və məzuniyyətə çıxmır.
Ayda cəmi bir xəstəni geri qaytarsa, asisDENT özünü ödəyir. Qalanı sizin qazancınızdır.
ETİBAR
Xəstənizin məlumatı sizindir — və sizdə qalır
Bu sual verilməlidir və verildiyi üçün cavabını açıq yazırıq.
Heç bir klinika digərini görmür
Hər klinikanın məlumatı tam ayrıdır və bu, sistemin quruluşuna qoyulub — sonradan açıla bilən bir ayar deyil.
Rentgen açıq linkdə yaşamır
Şəkillər yalnız qısa müddət etibarlı olan xüsusi keçidlə açılır. Keçid köhnəlir; kənara düşsə belə işləmir.
Hesabınız qorunur
Şifrələr geri çevrilə bilməyəcək şəkildə saxlanılır, bir neçə səhv cəhddən sonra hesab müvəqqəti kilidlənir, iki mərhələli doğrulama isə istənilən an açıla bilər.
İşçi gedəndə qapı bağlanır
İşçini çıxardığınız və ya rolunu dəyişdiyiniz anda onun açıq qalmış brauzeri də etibarsız olur.
Səhvən silinən geri qayıdır
Silinən qeyd dərhal yox olmur, bir müddət saxlanılır. Kimin nə vaxt nə etdiyinin izi qalır.
Data sizindir
İstədiyiniz vaxt xəstə siyahınızı götürə bilərsiniz. Abunə bitsə də heç nə silinmir — sistem sadəcə oxu rejiminə keçir və yeniləyən kimi hər şey yerindədir.
PAKETLƏR
Aydın qiymət, gizli xərc yoxdur
Hər üç paketdə onlayn rezervasiya, təqvim, xəstə kartı və diş xəritəsi var. Fərq — klinikanızın böyüklüyündədir.
İllik ödənişdə 2 ay hədiyyə · quraşdırma pulsuz
SOLO
Tək işləyən həkim
39₼/ay
1 həkim
Randevunu sən yazma, sistem yazsın.
Bu paketi seçirəm- Şəxsi onlayn rezervasiya linki
- Təqvim, iş saatları, bağlı günlər
- Telegram-da bir toxunuşla təsdiq
- Xəstəyə avtomatik SMS və ləğv linki
- Xəstə kartı və ziyarət tarixçəsi
- Vizual diş xəritəsi
- Gündəlik gəlir paneli
PRO
Həkim və köməkçisi
89₼/ay
1 həkim + köməkçi
Kabinetin bütün işi bir ekranda.
10 Günlük Pulsuz Sınaq- SOLO paketindəki hər şey
- Avtomatik WhatsApp bildirişləri
- Rentgen və sənəd arxivi
- Aylıq maliyyə hesabatı
- Köməkçiniz üçün ayrıca giriş
- Mesaj mətnləri sizin dilinizlə
- Təqvim real vaxtda yenilənir
- 10 günlük pulsuz sınaq
KLİNİKA
2–4 həkimli klinika
179₼/ay
4 həkimə qədər
Bütün həkimlər, bir təqvim, bir kassa.
10 Günlük Pulsuz Sınaq- PRO paketindəki hər şey
- Bütün həkimlər bir təqvimdə
- Həkim üzrə ayrı hesabat
- Material və maya dəyəri nəzarəti
- Google rəylərinin idarə olunması
- Gəlir və geri qaytarma hesabatları
- Prioritet dəstək
- 10 günlük pulsuz sınaq
- Qiymətlər ƏDV-siz göstərilib.
- Klinikanız böyüyəndə paketi bir zənglə dəyişirik — məlumatınız olduğu kimi qalır.
- İstənilən vaxt dayandıra bilərsiniz; uzunmüddətli müqavilə yoxdur.
SUALLAR
Ağlınıza gələn ilk suallar
Sistemi öyrənmək çətindirmi?
Telegram-da mesaja cavab verə bilirsinizsə, asisDENT-i artıq bilirsiniz. Gündəlik işiniz budur: bildiriş gəlir, «Təsdiqlə» düyməsini basırsınız. Sistemi biz quraşdırırıq — xidmətlərinizi, qiymətlərinizi və iş saatlarınızı bizə deyirsiniz, hazır linki sizə təhvil veririk. İnterfeys tam Azərbaycan dilindədir.
Xəstə randevunu necə yazılır?
Sizin şəxsi rezervasiya linkiniz olur — onu Instagram bio-nuza qoyursunuz. Xəstə linki açır, xidməti və boş vaxtı seçir, adını və nömrəsini yazır. Qeydiyyat və parol tələb olunmur. Sorğu dərhal təqviminizə düşür və sizə bildiriş gəlir.
Xəstələrim yaşlıdır, linki başa düşməzlər. Onda necə?
Bir hissəsi başa düşməyəcək və buna ehtiyac da yoxdur. Zəng edən xəstə zəng etməyə davam edir, siz onu özünüz 10 saniyəyə yazırsınız. Link daha çox 25–45 yaş arası xəstələr üçündür — onlar zəng etməyi sevmir və gecə saat 11-də yazılır. Yəni köhnə xəstələrinizi itirmirsiniz, yenilərini qazanırsınız.
Köməkçim var, o yazır. Mənə lazımdırmı?
Deməli sizdə nizam var — bu, əksəriyyətdən yaxşıdır. İki sual qalır: saat 19:00-dan sonra, gecə və bazar günü kim cavab verir? Və köməkçiniz sabah işi buraxsa, xəstə bazanız hara gedir? asisDENT köməkçinizi əvəz etmir — onu mexaniki yazışmadan azad edir, bazanı isə sizin adınıza saxlayır.
Xəstəyə hansı yolla bildiriş gedir?
WhatsApp və SMS ilə. Sistem klinikanızın qoşulu olduğu kanalı seçir; biri əlçatan deyilsə digərinə keçir. Mesaj göndərilə bilməsə sistem onu itirmir — özü təkrar cəhd edir və nəticəni sizə göstərir. Sizə isə Telegram-dan bildiriş gəlir, çünki orada bir toxunuşla təsdiqləyirsiniz.
Diş xəritəsi və rentgen arxivi varmı?
Bəli. 32 diş göz önündədir; dişə klikləyəndə diaqnoz və müalicə elə orada yazılır, bütün tarixçə isə yanında görünür. Hər dişə rentgen və klinik şəkil bağlana bilər — yəni «bu dişə keçən dəfə nə etmişdik?» sualının cavabı bir kliklədir.
Neçə həkim və işçi əlavə edə bilərəm?
SOLO tək işləyən həkim üçündür. PRO paketində köməkçiniz üçün ayrıca giriş açılır. KLİNİKA paketi 4 həkimə qədər klinikalar üçündür və lazım olsa əlavə istifadəçi qoşulur. Klinikanız böyüyəndə paketi bir zənglə dəyişirik — məlumatınız olduğu kimi qalır.
Məlumatlarım təhlükəsizdirmi? Xəstə bazam sizdə qalacaq?
Hər klinikanın məlumatı tam ayrıdır və bu, sistemin quruluşuna qoyulub. Hesabınıza iki mərhələli doğrulama qoşa bilərsiniz. Ən vacibi: data sizindir — istədiyiniz vaxt xəstə siyahınızı götürə bilərsiniz. Abunə bitsə də heç nə silinmir, sistem yalnız oxu rejiminə keçir.
Quraşdırma nə qədər vaxt aparır?
Bir saat. Hesabınızı biz açırıq, xidmət kataloqunu və iş saatlarını biz köçürürük, Telegram-ı biz qoşuruq. Sonra 30 dəqiqəlik onlayn təlim — və rezervasiya linkiniz hazırdır. İllik ödəyən klinikalar üçün quraşdırma pulsuzdur.
Bəyənməsəm nə olur?
Sadəcə dayandırırsınız. Uzunmüddətli müqavilə yoxdur, cərimə yoxdur, «niyə gedirsiniz» sorğusu yoxdur. Sınaq üçün kart məlumatı da tələb etmirik — ona görə itirəcəyiniz heç nə yoxdur.
BAŞLAYAQ
Bu həftə neçə xəstə yaddan çıxdı?
Bir cavab yazın — bir iş günü ərzində sizinlə əlaqə saxlayırıq, hesabınızı biz açırıq və bir saat sonra ilk xəstəniz linkdən yazılır.
- 10 gün pulsuz — kart tələb olunmur
- Quraşdırmanı biz edirik, siz yalnız xidmətlərinizi deyirsiniz
- Bəyənməsəniz sadəcə dayandırın — heç nə silinmir
Müraciətiniz hazırdır
E-poçt proqramınız açıldı — mesajı göndərin, bir iş günü ərzində sizinlə əlaqə saxlayacağıq. Açılmadısa, birbaşa info@asisdent.az ünvanına yazın.